Hondehoekie (1)

My beste vriend
Die deurniswekkende, snaakse of selfs stuitige vertellings van verskillende mense oor ons dierbare huisgenote

  • Ek het 'n fantastiese hond. Sy's half-Labrador en half-vegboelterriër. 'n Goeie kombinasie. Goed, sy sal dalk my been afbyt, maar sy sal dit altyd weer vir my terugbring.

  • Met geld kan jy vir jou 'n taamlike goeie hond aanskaf, maar dit sal nie die waai van sy stert kan koop nie.

  • So 'n dom hond. Ek het 'n hondefluitjie gekoop. Hy weier om dit te gebruik.

  • As jy vroegaand saam met die hoenders en die honde gaan slaap...  sal die vlooie en bantamluise jou reeds voor dagbreek opvreet.


  • Ek het 'n besonder slim hond. Wanneer ek hom roep en vra: "Kom jy of kom jy nie?" dan kom hy of hy kom nie. 

  • Moenie die fout maak om jou honde soos mense te behandel nie. Voor jy weet waar jy is, behandel hulle jou soos 'n hond.

  • Nou die dag sien ek twee honde wat na 'n parkeermeter toe loop. Die een sę vir die ander: "Kan jy nou meer? Betaal-toilette!" 

  • Ek het al so baie blinde afsprake gehad dat hulle vir my 'n gidshond behoort te gee.

  • Daar is 'n baie klein dorpie iewers in die Vrystaat. Die eerste en enigste padteken wat jy daar kry, lees: "Verkeerdevlei --  pas op vir die hond."

  • 'n Jafel vra die veearts om sy hond se stert af te sny. "Nou hoekom dan?" wil die veearts weet. "Wel," sę die jafel, "my vrou se ma kom volgende maand kuier en ek wil nie hę sy moet enigiets sien wat haar welkom sal laat voel nie."

  • 'n Redelike hoeveelheid vlooie is goed vir 'n hond; dit keer dat hy hom te veel kwel omdat hy 'n hond is.

  • Die hond is 'n dier met 'n kop en 'n lyf. Die lyf keer dat hy stert tot by sy nek is.

  • Jy sal nooit besef dat 'n hond 'n mens se beste vriend is totdat jy jou geld op perde begin waag nie.

  • Mark Twain het gesę die hemel is genade; as dit deur verdienste bereik kon word, sou jy buite gebly en jou hond ingegaan het.

  • Wat so plesierig is omtrent 'n hond is dat,  as jy in sy teenwoordigheid 'n gek van jouself maak, hy jou nie net NIE sal berispe nie, maar boonop homself ook soos 'n gek sal gedra.

  • Honde praat nooit oor hulself nie, maar luister wanneer jy oor jouself praat en dan lyk dit ook nog of hulle vreeslik belang stel in wat jy sę.

  • 'n Deur is 'n ding wat 'n hond altyd aan die verkeerde kant van is. 

  • 'n Onvertaalbaarheid van die ou Amerikaanse komediant Groucho Marx: Outside of a dog, a man's best friend is a book; inside of a dog, it is very dark.

  • En dan is daar ons eie C.J. Langenhoven se liefdesgediggie aan 'n hond (uit Stukkies en Brokkies, wat reeds in 1911 verskyn het):
    Met modderpote, Haagagaa!
    Trap hij die voordeur oop --
    Trap hij twee rijtjies blommetjies
    Soover als wat hij loop  . . .


Klik hier om terug te keer na die inhoudsblad