LEES OOK reg onderaan hierdie artikel:
Suid-Afrika se eerste waterstof-aangedrewe fiets maak sy vietse buiging!

Hernubare energie

Die wenpad vorentoe vir
die mensdom

 

BO: Vallende water skep nie net pragtige natuurtonele nie—dit kan ook veel meer as tans aangewend word om turbines te laat draai om skoon krag te help lewer vir ’n energie-honger maar besoedelde węreld.

 

Foto van die Havasu-wateval naby Supai, Arizona, VSA, deur

Moondigger,

wat dit op hierdie bladsy in die Wikipedia-ensiklopedie op die węreldwye web geplaas en gelisensieer het ingevolge die Creative Commons Attribution ShareAlike 2.5-lisensie. Kortom, hergebruik word vergun op voorwaarde dat behoorlike erkenning gegee word en dit slegs versprei word ingevolge ’n lisensie wat idienties is aan hierdie een. Amptelike lisensie
 

Hierdie artikel is ’n nuttige opsomming van verskillende artikels oor hernubare energie wat jy op die Mieliestronk-werf sal vind—en meer. In ’n neutedop word van die verskillende bronne van hernubare energie vertel, asook waarom die aanwending daarvan tot ons almal se voordeel strek. Veel meer nog: die benutting van hernubare energiebronne is in der waarheid die enigste sinvolle pad vorentoe vir ons energie-honger węreld...

 

BO: ’n Vurige “waterval” van lawa ęrens op die Hawaii-eilande herinner ons daaraan dat die mens nog kwalik begin het om die hitte wat binne-in die aarde skuil, aan te wend om vir hom energie te verskaf. Geotermiese energiebenutting is egter ten minste in hierdie stadium nog onprakties in Suid-Afrika, wat nie aktiewe vulkane of ’n woelige ondergrond het nie.
 

Foto van die woelinge van Kīlauea, ’n aktiewe vulkuaan op die Hawaii-eilande, deur
U.S. Geological Survey


 

Waarom ek en jy die ontwikkeling van hernubare energiebronne moet steun

’N MENS kan nie anders as om ten gunste van die ontwikkeling van hernubare energiebronne te wees nie. Die eenvoudige rede is dat dit die enigste manier is waarop die planeet Aarde van ’n katastrofale ekologiese ramp gered sal kan word.

 

Bewaringsbewustes waarsku lankal dat, as ons voorgaan om nie-hernubare energiebronne (steenkool, olie en aardgas) in die huidige tempo te verbrand, ons spoedig gaan sit met ’n verskrompelde węreld wat weens aardverwarming en besoedeling in ’n nagmerrie-planeet verander het.

 

Gelukkig is verantwoordelike mense besig om iets aan die saak te doen. Dit blyk onder meer uit  ’n verslag van die internasionale liggaam vir die bevordering van hernubare energie REN21 (Renewable Energy Policy Network for the 21st Century).

 

Daarvolgens het die grootste internasionale maatskappye ook ingespring, en in 2007 is meer as honderdduisend miljoen Amerikaanse dollar (“$100 billion”) belę in produksiebates, vervaardiging, navorsing en ontwikkeling rakende hernubare energie.

 

Volgens REN21 is dit ’n mylpaal en ’n mens moet saamstem—maar hef aan lę natuurlik nog voor en baie meer sal baie vinnig gedoen moet word.

 

Hernubare energie: Die verskillende bronne
wat benut kan word

HERNUBARE energie is energie wat verkry word van bronne wat hulself gedurig hernu of vir alle praktiese doeleindes nie uitgeput kan word nie. Waterkrag, sonkrag, windkrag, biobrandstof en geotermiese energie word almal as hernubare energiebronne beskou, asook getyekrag en branderkrag.

 

(Kernenergie is ekologies vriendelik as dit met die grootste omsigtigheid gehanteer word, maar of dit as “hernubaar” beskou moet word, is debatteerbaar. Uraan wat “verbrand” is, kan immers nie “hernubaar” wees nie. En terwyl sekere navorsers reken dat die wesentlike herwinbare uraanvoorrade genoeg is om tot duisend jaar lank benut te word, is daar ander wat te kenne gee dit is slegs sowat vyftig jaar. En wat dan?)

 

•  Maar vir eers kyk ons na waterkrag as ’n herwinbare energiebron. Daar kan wel gevra word hoe dienlik dit vir ons eie węrelddeel is. Waterkragsentrales skakel natuurlik die krag van water—dit wil sę die energie van vloeiende of opgegaarde water—om in elektrisiteit. Die water word deur middel van pype of ’n waterloop na turbines gelei, wat elkeen ’n generator aandryf om elektrisiteit te lewer.

 

Waterkrag is volhoubaar solank daar water is, maar ons deel van die aarde is ongelukkig baie droog. Hidroëlektriese stelsels (soos dit genoem word) word wel in Suid-Afrika by die Gariep- en Vanderkloofdam bedryf, maar hulle voorsien minder as een persent van Suid-Afrika se elektrisiteit.

 

Maar die meestal droë Suid-Afrika kan nie juis hoop om sy eie hidroëlektriese kragopwekking verder veel te verhoog nie, behalwe deur projekte in meer waterryke buurstate soos Mosambiek en selfs uit die berge in Lesotho.

 

•  Wat sonkrag aanbetref, is daar op die oomblik hoofsaaklik drie beproefde maniere waarop ons die son se energie tegnologies tot ons voordeel kan gebruik, naamlik deur middel van:

1. sonselle;

2. waterverwarming met die hitte van die son;

3. sonoonde wat water in stoom verander sodat die stoom op sy beurt kragopwekkers aandryf.

 

REGS: Sonlig—deur middel van fotovoltaďese tegnologie—verskaf elektrisiteit aan ’n gebou. Sonselle, wat eintlik fotovoltaďese of fotoëlektriese selle genoem word, skakel lig regstreeks om in elektrisiteit.

 

Foto: NREL / U.S. Department of Energy

 

 

Baie geleerdes stem saam dat al drie hierdie maniere terdeë deur die mens ingespan behoort te word—die eerste twee veral deur huishoudings en sake-ondernemings, en die derde manier deur groot kragverskaffers soos Eskom. Daar is baie son in die Karoo! En die vooruitsigte lyk belowend.

 

•  Wind gaan aanvanklik in ’n beperkte mate vir elektrisiteitsopwekking in Suid-Afrika ingespan word, ná belowende proefnemings op Eskom se eksperimentele windplaas by Klipheuwel naby Kaapstad. ’n Windaanleg by Darling is in aanbou, terwyl Eskom vanjaar (2008) ’n groot lening by ’n Franse ontwikkelaar bekom het om te help met die bou van nog ’n windprojek by Koekenaap aan die Weskus.

 

REGS: Windkragopwekkers laat wiel op ’n sogenaamde windplaas.

 

Foto: NREL / U.S. Department of Energy

 

 

Die benutting van windkrag is niks nuuts nie. Windmeulens is immers sedert die Oudheid gebruik om graan te maal, vroeër ook in ons land. Vandag sorg windkragsentrales internasionaal vir elektrisiteitsopwekking in veral kusgebiede, op eilande en op uitgestrekte vlaktes waar daar genoeg wind is. Dog die moontlikhede bly ongelukkig beperk.

 

•  Biobrandstowwe is vloeibare brandstowwe wat van eietydse organiese materiaal gemaak word (byvoorbeeld mielies, maar ook klapperolie, sonneblomolie, of selfs ontbindende organiese afval). Dit is in teenstelling met fossielbrandstowwe wat die produkte is van plantaardige of dierlike materiaal wat eeue der eeue gelede neergelaat is en gefossileer het.

 

Vandag se belangrikste biobrandstowwe is etanol en biodiesel. Biobrandstowwe kan die vrystelling van giftige stowwe in die atmosfeer en ons afhanklikheid van olie help verminder. 

 

Teenstanders van die ontwikkeling van biobrandstof wys egter daarop die prys van mielies duidelik verhoog het omdat die gewas vir brandstof aangeplant word pleks daarvan om as kos te dien. En dit het op sy beurt ’n beduidende invloed op die prys van kos in die algemeen, trouens, dit het in die afgelope tyd tot ’n węreldwye voedselpryskrisis gelei.

 

Dit is sulke besware wat, ten minste tydelik, ’n stokkie gesteek het voor die verbeeldingryke planne van ’n Suid-Afrikaanse maatskappy om binne afsienbare tyd agt etanolfabrieke—soortgelyk aan sulke aanlegte in Amerika—in die Vrystaat, Noordwes en Mpumalanga op te rig.

 

•  Brandstof uit water!  Koddig soos dit ook al vir die leek mag klink, kan ’n motor heel gerieflik met water loop pleks van petrol. Goed, nie water op sigself nie, maar ’n bestanddeel van water. Hierdie stof is waterstof, wat met suurstof verbind om water te vorm. Water kan met behulp van elektrolise (dit beteken om ’n elektriese stroom deur die vloeistof te stuur) in sy twee komponente opgebreek word en die waterstof kan dan in houers geberg word vir gebruik in motors.

 

As byvoorbeeld sonkrag gebruik word om elektrisiteit op te wek en die elektrisiteit aangewend word om waterstof te verkry, het ons ’n volhoubare, skoon energiebron in die oortreffende trap. Want as waterstof verbrand, vorm dit mos niks anders as, nou ja, water nie!

 

Die groot probleem is egter nog dat waterstof hoogs plofbaar is en maniere bedink moet word hoe om dit behoorlik te beveilig vir gebruik in motors.

 

•   Lees ook reg onderaan hierdie artikel van Suid-Afrika se eerste waterstof-aangedrewe fiets!

 

Laat wiel met

waterstof!

 

 

REGS: Daar’s water in die tenk! Of liewer ’n bestanddeel van water, naamlik die brandbare gas waterstof (Engels “hydrogen”).

 

Foto: White House / U.S. Gov.

 

 

 

 

 

•  Geotermiese energiebenutting is die proses waar warm water van diep uit die aarde se “maag” gebruik word om in mense se energiebehoeftes te help voorsien. Sulke installasies word in die reël opgerig op plekke wat aktiewe vulkaanaktiwiteit ondervind of wat naby vulkaniese gebiede lę.

 

Dit sluit Suid-Afrika uit.

 

•  Getyekrag en branderkrag: Met die styging en daling van die seevlak kan bewegende water net soos in ’n hidroëlektriese kragsentrale gebruik word om turbines vir kragopwekking te laat draai. Hoewel dit nog nie wyd gebruik word nie, hou getyekrag groot moontlikhede in vir toekomstige elektrisiteitsopwekking.

 

REGS: Getyekrag... ’n kunstenaar se voorstelling van turbines in die see naby die kus wat krag opwek deur middel van die strome in die see.

 

Krediet: MMS / U.S. Dept of Interior

 

 

Branderkrag (of golfkrag) verwys weer na die energie van die golwe op die oppervlak van die see en hoe die reëlmatige op- en afbeweging van die water gebruik kan word, onder meer om elektrisiteit op te wek. Geen kommersiële golfkrag-installasie is egter nog opgerig nie.

 

Hernubare energie se voordeel vir
die mens en die omgewing

N MENS kan jou dit voorstel: weg is die dralende, verstikkende steenkooldampe wat soos wasige smoorkomberse oor die aarde hang. Weg is die uitlaatgasse van petrol wat die vlak van die kooldioksied in die atmosfeer die hoogte injaag. In die plek daarvan is skoon lug of waterdamp of net die koolstofdioksied wat van biobrandstof kom—’n normale komponent van die koolstofkringloop in die natuur.

 

Met ’n genoegsame hernubare energievoorraad sal ons in staat wees om die kweekhuiseffek en aardverwarming teen te werk, om die brose ewig te herstel in die natuurlike gee-en-neem-prosesse in ons ekologiese omgewings.

 

En, les bes, sal die mens weer in staat wees om vry asem te haal—in meer as een opsig—in hierdie wonderlike ondermaanse węreld wat aan hom toevertrou is om te vul en te beheers.

 

Suid-Afrika se nuwe waterstof-fiets maak sy vietse buiging

Uittreksel van 'n artikel deur Nicky Rehbock, MediaClubSouthAfrica.com

30 Augustus 2010

 

REGS:  Die raamwerk van A hi fambeni is gemaak van ligte en sterk gevorderde stowwe en is deur studente van die Tshwane Universiteit van Tegnologie in Pretoria gebou.
 

The frame of the A hi fambeni is made
from light and strong advanced materials,
and was built by students from the Tshwane
University of Technology in Pretoria.
(Image: Tshwane University of Technology

Read more: http://www.mediaclubsouthafrica.com/index.php?option=com_content&view=article&id=1929:sas-first-hydrogen-bike-rolled-out&catid=48:innovationnews&Itemid=115#ixzz0z7uxEZ00

Foto: Tshwane Universiteit van Tegnologie via MediaClubSouthAfrica.com

 
SUID-AFRIKA se plattelandse gemeenskappe kan spoedig toegang hę tot ’n nuwe, “groener” soort vervoer, ná die onlangse bekendstelling van die land se eerste waterstof-aangedrewe fiets.

Die Minister van Wetenskap en Tegnologie, me. Naledi Pandor, het vroeër in Augustus 2010 die onthulling van die voertuigie waargeneem op ’n tegnologie-konferensie by die Kwa-Maritane Bush Lodge in die Noordwes-provinsie.

Die naam van die fiets is A hi fambeni, die Xitsonga-term vir “laat ons gaan”.

A hi fambeni bied ’n praktiese manier om openbare bewuswording te bevorder van waterstof as ’n skoon alternatiewe energiebron,” het Pandor by die bekendstelling gesę.

Spanpoging

The bicycle was developed by students of the Tshwane University of Technology in partnership with the Department of Science and Technology and Hydrogen SA, which was set up by the South African government in 2008 to investigate the use of hydrogen as a sustainable and clean source of energy.

Read more:
http://www.mediaclubsouthafrica.com/index.php?option=com_content&view=article&id=1929:sas-first-hydrogen-bike-rolled-out&catid=48:innovationnews&Itemid=115#ixzz0z7iigKa6
The bicycle was developed by students of the Tshwane University of Technology in partnership with the Department of Science and Technology and Hydrogen SA, which was set up by the South African government in 2008 to investigate the use of hydrogen as a sustainable and clean source of energy.

Read more:
http://www.mediaclubsouthafrica.com/index.php?option=com_content&view=article&id=1929:sas-first-hydrogen-bike-rolled-out&catid=48:innovationnews&Itemid=115#ixzz0z7iigKa6
The bicycle was developed by students of the Tshwane University of Technology in partnership with the Department of Science and Technology and Hydrogen SA, which was set up by the South African government in 2008 to investigate the use of hydrogen as a sustainable and clean source of energy.

Read more:
http://www.mediaclubsouthafrica.com/index.php?option=com_content&view=article&id=1929:sas-first-hydrogen-bike-rolled-out&catid=48:innovationnews&Itemid=115#ixzz0z7iigKa6
The bicycle was developed by students of the Tshwane University of Technology in partnership with the Department of Science and Technology and Hydrogen SA, which was set up by the South African government in 2008 to investigate the use of hydrogen as a sustainable and clean source of energy.

Read more:
http://www.mediaclubsouthafrica.com/index.php?option=com_content&view=article&id=1929:sas-first-hydrogen-bike-rolled-out&catid=48:innovationnews&Itemid=115#ixzz0z7iigKa6

•   DIE fiets is ontwikkel deur studente van die Tshwane Universiteit van Tegnologie in vennootskap met die Departement van Wetenskap en Tegnologie en die navorsings- en beplanningsliggaam Hydrogen SA, wat in 2008 deur die Suid-Afrikaanse regering in die lewe geroep is om die gebruik van waterstof as ’n volhoubare en skoon energiebron te ondersoek.

Die mentor van die span was die węreldberoemde motorfietsontwerper Pierre Terblanche, wat deur die departement geborg is om ’n maand lank in die loop van die ontwerpsproses by die universiteit te werk.

Terblanche, wat in Suid-Afrika gebore is, is reeds die afgelope twintig jaar in Italië gesetel as ’n ontwerper en konsultant van die vooraanstaande motorfietsvervaardigers Ducati en Piaggio, onder meer, en het oor die jare drie pryse by die Milaanse Motorfietstentoonstelling ingepalm.

’n Skoon energiebron in die oortreffende trap

•    A hi fambeni is geen konvensionele fiets wat ’n yslike getrap van die ryer verg nie, maar word aangedryf deur elektrisiteit wat van waterstofbrandstofselle kom. Laasgenoemde is in die reël stil en betroubare eenhede omdat hulle geen bewegende dele het nie. Ofskoon daar ander soorte elektriese fietse in Suid-Afrika is, word dié deur loodbatterye aangedryf en nie deur brandstofselle nie.

Minister Pandor het by die bekendstellingsgeleentheid gesę dat die toekoms van elektriese fietse in baie opsigte gesien kan word in dit wat oor ’n dekade in China gebeur het. In 1998 was daar slegs 400 000 elektriese fietse in die land, maar in 2008 was daar 21 miljoen.

Klik hier om terug te keer na die inhoudsblad