Boom-kaperjolle: die gedoentes in die lower

Hoe die aarde se boombewoners klou en klouter

Klimape met artikel se hoofopskrif: Klimmende diere se koddige maniere

ILLUSTRASIE BO: Om n aap aan die stert beet te h, is n bekende uitdrukking. As n aap met sy stert iets beet het, beteken dit totaal iets anders!

Twee hande, twee voete en n sterten ewe behendig met al vyf om te klim en te klou! Spinape (ook slingerape of bosduiwels genoem), soos di op die illustrasie hierbo, is tipiese boomdiere, koddige primate in die familie Atelidae van die tropiese woude van Sentraal- en Suid-Amerika. Die grypstert van s n aap kan tot sowat 90 cm lank wees en het riffels op die vel by die stertpunte wat vingerafdrukke vorm. S is diere van allerhande soorte wonderlik toegerus om letterlik hoog in die takke te kan voortbeweeg en lewe. Die Engelse praat van hierdie ratsheid as arboreal locomotion, wat voortbewegingsvermo in bome beteken...

Illustrasie (gewysig) uit Brehms Tierleben,1927 / Openbare besit (in the public domain) omdat kopiereg weens ouderdom verval het
  

A

S jy dalk n boomgeitjie rens teen n ruit sien rus, moet jy dit liewer nie waag om die astrante klouteraar met alle geweld van die stuk vensterglas af te ruk nie. Straks sit jy met n gebarste ruit sit. Die rede? Die tone van n boomgeitjie klou so stewig vas aan die bome en rotse waaroor hy klim dat hierdie klein reptiel selfs onderstebo kan loop teen iets soos n plafon.

Poot van n geitjieREGS: Gebou om te klou! Die poot van n geitjie, in hierdie geval n Amerikaanse spesie, Coleonyx brevis.

Foto: Yuri Huta, 2005 Finding Species / Slegs nie-kommersile opvoedkundige gebruik vergun / via NBII, U.S. Geological Survey


Alle diere wat in bome woon, moet die een of ander manier h om te kan beweeg terwyl hulle kos soekof van hul vyande wegkomsonder om grond toe te val.

Die meeste boomdiere het anderste vingers en tone, wat f in kragtige suiers eindig wat hulle aan loodregte oppervlakke help kleef f in skerp kloue wat deur boombas kan dring.

Kat teen boomREGS: Kiets se pote eindig in skerp naels wat enige boom kan baasraak.
 

By sekere boomdiere kom die vingers of tone ooreen met di in n mensehand, sodat hulle des te beter kan klou.

Vir baie, soos die spinape op die illustrasie boaan hierdie artikel, l die geheim in die stert. Hierdie liggaamsdeel  help die dier nie net om sy ewewig te behou nie, maar is in der waarheid n vyfde ledemaat wat hy vir ekstra steun om takke kan draai. Sterte wat s kan gryp, wordhoe anders?grypsterte genoem.

Maar diere soos die gibbons of langarmape, primate van Suidoos-Asi, het weer geen stert waarmee hulle hulle kan balanseer nie. Soos hul een naam aandui, het hulle egter lang arms en gevolglik is hulle uitmuntende woud-akrobate.  Wat meer s, wanneer hulle op die grond loop, loop hulle regop
... en volgens die foto hieronder kan gibbons selfs kiertsregop staan in die bome. Balanserend soos koordlopers tussen hemel en aarde. Aap wat ben je n ewewigtige jonge!

n Gibbon balanseer hom soos n koordloper in die hoogteLINKS: n Gibbon balanseer hom soos n koordloper in die hoogte.

Foto met vergunning van Conservation International / via Cambodia Embassy, U.S. Gov. (rande weggesny van oorspronklike foto)


Die meeste boompaddas woon ook hoog bokant baie van hul potensile roofvyande, wat op vaste aarde onder hulle rondsluip. Ronde kussinkies aan die toonpunte van die boompaddas het kliere wat gom afskei, wat hulle aan gladde blare laat kleef soos konfyt aan n wolkombers!

Ander klimmers se tone is weer anders gerangskik. Verkleurmannetjies het byvoorbeeld aan elke poot iets wat lyk na twee teenoorgele tone om n stingel styf vas te vat. Elke toon is in der waarheid saamgegroeide tonedrie aan die een en twee aan die ander.  Daarmee kan hulle besonder bedrewe aan twygies en takke klouen dan het hulle boonop n grypstert vir ekstra veiligheid. Klik hier as jy Mieliestronk se afsonderlike artikel oor die verkleurmannetjies wil lees en na n aantal fassinerende fotos van trapsuutjiese wil kyk.

En dan is daar klimmende vols soos die houtkappers. Baie van hulle kan die vierde toon sywaarts draai of al vier tone na voor hou vir die beste vashouposisie teen n boomstam. Hulle beweeg in spronge teen die stamme op. Die stert is ekstra versterk om die vol te anker. Bre vere en bre werwels wat aan kragtige spiere geheg is, help die houtkapper om sy stert af te druk, wat kragte balanseer wat die vol andersins agteroor sou laat tuimel het terwyl hy aan n stam pik of teen n boom opspring.

Houtkapper (vol) en boompadda

LINKS BO: Die Hispaniolaanse houtkapper (Melanerpes striatus), wat inheems is op die Karibiese eiland Hispa­niola. Die kloue en die stert werk hier saam om die vol stewig te anker teen die steilte.
REGS BO: n Europese boompadda (Hyla arborea), afge­neem in Oostenryk. Danksy klewerige kussinkies aan die tone is dit vir hierdie soort paddas geen probleem om in bome te woon nie.

Foto van houtkapper deur Wolfgang Wander,
wat dit op hierdie bladsy by Wikimedia Commons op die wreldwye web gelisensieer het en gebruik vergun ingevolge die bepalinge van die GNU Free Documentation License, Weergawe 1.2 of enige latere weergawe wat deur Free Software Foundation gepubliseer word

Foto van boompadda deur Christoph Leeb,
wat dit op hierdie bladsy by Wikimedia Commons op die wreldwye web gelisensieer het en gebruik vergun ingevolge die bepalinge van die
GNU Free Documentation License, Weergawe 1.2 of enige latere weergawe wat deur Free Software Foundation gepubliseer word


Hoewel hulle nie pote het nie, is baie slange eweneens ywerige boombewoners. Party soorte het groot skubbe aan die buik, wat aan die bas vashaak namate die slang vorentoe beur. Ander klim weer boom met n konsertina-agtige bewegings.

Die slang kan byvoorbeeld sy stert anker deur dit om n tak te draai en dan dele van sy lyf in stywe horisontale windinge saamtrek. Dan reik hy uit met sy kop en anker sy nek by n stut wat hor op l. Die slang maak hierna sy stert los en trek die res van sy liggaam op. Die proses word dan herhaal.

Boomslang

BO: Ons bekende boomslang (Dispholidus typus), van Afrika suid van die Sahara, is grootliks n boombewoner, soos sy naam dan ook aandui. Boomslange vreet byvoor­beeld verkleurmannetjies en paddas, by geleentheid selfs klein soogdiertjies en vols, asook die eiers in volneste. Al die slagoffers word heel ingesluk.

Foto deur William Warby,
wat dit op hierdie bladsy by flickr op die wreldwye web gelisensieer het en gebruik vergun ingevolge die bepalinge van die Creative Commons Attribution 2.0-lisensie


Byna al die primate van die dierewreld woon in tropiese en subtropiese gebiede, die meeste van hulle in bome. Party swaai deur die bome, ander beweeg deur te hardloop en te spring, nog ander loop op hul agterpote en party reik stadig uit met hul voorste ledemate en gryp dan takke vas. Soogdiere soos orangoetangs, sjimpansees, gorillas, bobbejane, bosape, ens. is almal primate. Ook die spinape en die gibbons waarvan boontoe reeds vertel is.

Orangoetangs is op hul beurt groot Indonesiese boorlingeregte kluisenaars wat hoog in die bome woon en selde afkom grond toe.

Orangoetang by boomreuseLINKS: En hier, dames en here, is my wreld, die woud! Hier is n portret van n jong orangoetang wat op n foto van boomreuse gesuperponeer is.  Dit lyk of die orangoetang gedoen het wat sy spesie in die rel selde doen, naamlik om af te klim uit die bome ten einde op die grond rond te loop.

Foto van orangoetang: Toledo-dieretuin via U.S. Library of Congress Foto van bome: U.S. National Park Service

Die orangoetangs is goed toegerus vir hul ho lewe, met langs arms wat hulle in staat stel om van boom tot boom te swaai. Die hande en voete is kromom takke goed vas te vaten die vingers en tone is teenoorgele. Dit beteken dat die duim of groottoon aan al die ander vingers of tone kan raak, iets wat die aap baie behendiger maak.

Selfs party soorte miervreters van Suid- en Sentraal-Amerika klim ook boom. Soos by die spinape dien hul grypstert eweneens as n bykomende ledemaat om aan boomstamme en takke vas te klou. Miervreters het boonop sterk, krom klouenie net om mierneste mee oop te breek nie, maar ook om aan takke vas te hou.

Miervreter

BO: Hierdie miervreter (Tamandua mexicana) van die Nuwe Wreld is glad nie verwant aan die miervretende erdvark van Afrika of aan die Australiese miervreter, die ekidna, nie. Die foto is oorspronklik geneem van die dier waar hy besig is om met die kop na onder in digte lower teen n dun boomstam te klouter. Om egter beter te kan sien hoe die miervreter lyk, het ons die omringende plantegroei verwyder en die foto dwars gedraai.

Gewysigde weergawe van n foto deur Dirk van der Made, waarvan die oorspronklike op hierdie bladsy by Wikimedia Commons op die wreldwye web verskyn waar kopiring, verspreiding en/of wysiging vergun word ooreenkomstig die bepalinge van die GNU Free Documentation License, Weergawe 1.2 of enige latere weergawe wat deur die Free Software Foundation gepubliseer word


Van al die boom-soogdiere is die luidier (ook genoem luiaard) die stadigste. Maar al is hy ook so n trae harmansdrup, het hierdie Suid-Amerikaanse soogdier darem n ystergreep op die takke waaraan hy hang. Want die hande en voete van albei soorte luidiere eindig in lang, krom kloue, wat om takke haak soos klerehangers aan n hangstaaf. Die luidier kom selde af aarde toe, want dan is hy n alte maklike prooi vir roofvyande soos die jaguar of die oselot (n soort tierkat). Klik hier vir n foto van n luidier in n ander artikel op die Mieliestronk-werf.

Die koala, ook bekend as die Australiese teddiebeer, bestee al sy tyd hoog in die takke van bloekombome. Hy klim boom deur die stam met sy sterk voorkloue beet te pak en dan sy agterpote met klein sprongetjies op te trek. Die eerste twee tone van die voorste kloue l teenoor die ander drie, wat n ferm greep moontlik maak. Klik hier vir n foto van n koala in n ander artikel op die Mieliestronk-werf.

Daarmee eindig hierdie besoek aan sekere diere van die bome. Maar hulle is lank nie die enigste rolspelers in die roerende dramas van die hoogtes nie. Dikwels, versteek vir menslike o, is daar n hele gedoente in die lower. En as dit nie hande-viervoet gaan nie, kan dit miskien selfs hande-vyf-voet geskied! As jy nie kop of stert van n sekere beweging kan uitmaak nie, kan n grypende stert mos maklik daarby betrokke wees...
  


Klik hier om terug te keer na die inhoudsblad